ဗောက်လောက်တော့ သနားတယ်

 ဗောက်လောက်တော့ သနားတယ်

ဟော ဆောင်းတွင်းကတော့ စလာပြီဆိုတော့ ခေါင်းမှာလည်း ဗောက်လေးတွေ ဝေ ဝေ ဖြစ်လာတော့တာပါပဲ။

ဗောက်ဆိုတာ တကယ်တော့ ပုံမှန်ရှိနေတဲ့

အရေပြားဆဲလ်သေလေးတွေနဲ့ ဦးရေပြားအဆီတွေပေါင်းပြီး အဖြူအဖတ်လေးတွေဖြစ်လာရတာပါ ဦးရေပြားခြောက်သွေ့ခြင်း - ဓာတ်မတည့်တဲ့ ပစ္စည်းများသုံးမိခြင်း၊ဦးရေပြား နှင်းခူဖြစ်ခြင်းတို့က ဗောက်အများအပြားဖြစ်ပေါ်စေတာပါ။

နှစ်တိုင်း မပျောက်တတ်တဲ့ ဗောက်တွေကို ဒီနှစ်တော့ အပြတ်ပျောက်အောင်လုပ်မယ် မှန်းထားတာဆိုရင်တော့ ဒီဆောင်းပါးလေးကို ဖတ်ကြည့်ပါ။

(၁) အုန်းဆီ ကုထုံး 🥥

================

ဆံပင်ရယ်လို့ စဉ်းစားလိုက်မယ်ဆိုရင် အုန်းဆီကတော့ မပါမဖြစ်ပါ။ သူ့ရဲ့ မှိုသတ်နိုင်တဲ့အစွမ်းကြောင့် ဗောက်တွေပျောက်မှာ သေချာပါတယ်။

နည်းလမ်းလေးတွေကတော့ ~~~~~~~

- အုန်းဆီကို ဆံပင်အရင်းကနေ အဖျားအထိ 

နှံစပ်အောင် ၅မိနစ်ခန့် နှိပ်နယ် ပေးပါ

- ပြီးရင် တစ်ညလုံး လိမ်းပြီးအိပ်ပေးပါ

- မနက်ကျရင်ကိုယ်လျှော်နေကြ ခေါင်းလျှော်ရည်နဲ့ပြန်လျှော်ပေးပါ

(၂) ပန်းသီးရှာလကာရည်ကုထုံး 

====================

အိမ်နောက်ဖေး မီးဖိုချောင်မှာရှိတဲ့ ပန်းသီးရှာလကာရည်ကို ပြေးယူလိုက်ပါတော့

- ဒီရှာလကာရည်လေး တစ်ဇွန်းဆို ရေတစ်ဇွန်း ဆတူရောပေးပါ

- ခေါင်းလျှော်ပြီးပြီဆိုတာနဲ့ ဒီရောထားတဲ့ အရည်ကို ဆံပင်စိုစွတ်နေချိန် သုတ်လိမ်းပေးပါ

- ဦးရေပြားကိုတိုက်ရိုက် လိမ်းပေးပြီး ၁၅မိနစ်ထားပြီးမှဆေးချပါ။

(၃) ပျားရည် ကုထုံး 🍯

================

ပျားရည်မှာဗီတာမင် A,B,C,D,E ပါဝင်တာမို့ ဆံသားကောင်းမွန်စေပါတယ် - ဗောက်ထခြင်း အရေပြားဓာတ်မတည့်ခြင်းတို့ကိုလည်း

သိသာစွာသက်သာစေပါတယ်

- ဆံပင်ကိုရေစွတ်ပါ

- ပျားရည်ကို ရေအနည်းငယ်နဲ့ရောပါ

ဦးရေပြားကို ၃-၅ မိနစ်ခန့်နှိပ်ပေးပါ

ပြီးရင် ၁နာရီခန့်စိမ်ထားပေးပါ- ပြီးမှရေဆေးချပါ။

(၄) သံပုရာသီးကုထုံး 🍋

=================

သိထားတဲ့အတိုင်း သံပရာသီးက တကယ် ဗောက်ပျောက်တဲ့နေရာမှာအစွမ်းထက်ပါတယ် ဦးရေပြားရဲ့ ph မျှချေထိန်းပြီးယားယံခြင်းကို

သက်သာစေပါတယ်- ဦးရေပြားက ဖုန်တွေ 

ဆီတွေလည်း ဖယ်ရှားပေးပါတယ်

- သံပုရာရည်ကို ဦးရေပြားပေါ်ကို တိုက်ရိုက် လိမ်းပြီး မိနစ် ၃၀ခန့်ထားပေးပါ- ပြီးရင် ရေနဲ့ဆေးချပေးပါ။

ဒီသဘာဝနည်းလမ်းလေးတွေနဲ့ ဆောင်းရာသီ ဗောက်ကို ကျော်လွှားကြည့်ကြဖို့အကြံပေးလိုက်ပါတယ် စာဖတ်သူတွေထဲမှာရော ဘယ်လိုနည်းလေးတွေနဲ့ ထူးခြားပျောက်ကင်းလဲ ဝေမျှပေးသွားပါဦး …

မယ်တင်(ဆေး ၁)