ရင်သား အလုံးပေါ်ခြင်း-Breast Lump

ရင်သား အလုံးပေါ်ခြင်း-Breast Lump

သင့်ရင်သားမှာ အလုံး တစ်လုံးလုံး ရှိနေတာမျိုးကို သင့်ကိုယ်သင် စမ်းသပ် သတိထား ကြည့်ဖူးပါသလား။

ရင်သားမှာ အလုံးပေါ်တတ်တယ်ဆိုတာကော သင် သိပါသလား။
ရင်သားမှာ ဖြစ်ပေါ်လာတဲ့ အလုံးတွေက အများအားဖြင့် ကင်ဆာအကျိတ် မဟုတ်ပါဘူး ။ ရင်သားအလုံးတွေဟာ စမ်းကြည့်ပြီး လှုပ်ကြည့်လို့ ရပါတယ်။ ရင်သား နှစ်ဘက်စလုံးမှာ ဖြစ်နိုင်ပါတယ်။ အမျိုးသားရော၊ အမျိုးသမီးတွေမှာပါ ဖြစ်တတ်ပြီး အမျိုးသမီးတွေကတော့ ပိုအဖြစ်များပါတယ်။

ဘာကြောင့် အလုံးဖြစ်ရတာလဲ
ဓမ္မာတာလာတဲ့အချိန်မှာ ဟော်မုန်းပြောင်းလဲမှုတွေ ဖြစ်ပေါ်ပြီး ရင်သား ပုံစံ ပြောင်းလဲမှုတွေ ဖြစ်တတ်ပါတယ် ။ ဒါ့ကြောင့် ရင်သားကြီးထွားပြီး နာကျင်တာ၊ အလုံးပေါ်တာမျိုး ဖြစ်နိုင်ပါတယ်။ တစ်ခါတရံ ရင်သားကနေ အရည်တွေ ထွက်တာမျိုးတွေ့ရပါတယ်။ ဓမ္မလာတဲ့အချိန် အဖြစ်များပြီး သွေးဆုံးသွားရင်တော့ ရင်သားအကျိတ်ပေါ်တာတွေ တဖြည်းဖြည်း ပျောက်သွားတာမျိုး ရှိပါတယ်။
BREAST LUMP- BREAST CANCER SURGERY in Aligarh -Skin Hair Expert

တခြား အကြောင်းအရင်း

ကင်ဆာမဟုတ်တဲ့ ရင်သားအလုံးတွေ ဖြစ်လာရတဲ့ အကြောင်းအရင်းတွေ ကို အမျိုးအစား ထပ်ခွဲလို့ ရပါတယ်။ ဟော်မုန်းပြောင်းလဲတာကြောင့် ဖြစ်ပေါ်တဲ့ အမျိုးအစားအပြင်

ပိုးဝင်တာ၊

ဒဏ်ရာရတာ၊

တချို့ ပုံမှန် သောက်သုံးရတဲ့ဆေးတွေကြောင့် အလုံး ဖြစ်တတ်ပါတယ်။

ဘယ်လိုလက္ခဏာတွေ ဖြစ်ရင် သတိထားရမလဲ

အလုံးက ရင်သားရဲ့ သိသာထင်ရှားပြီး ကွဲပြားနေတာ၊
ဓမ္မတာပြီးဆုံးသွားပေမယ့် အလုံးက မာပြီး ဆက်ရှိနေတာ၊
အလုံးရဲ့ အရွယ်အစား ပြောင်းလဲလာတာ၊
အရင်ကထက် ပိုပြီး မာကျောလာတာ
ရင်သားတွေ မာတောင့်လာတာ၊
အရေပြားတွေ နီရဲလာတာ၊
နို့သီးမှ အရည်တွေ ထွက်တာတွေ ဖြစ်လာရင်တော့ ဆရာဝန်နဲ့ တိုင်ပင်ကုသသင့်ပါတယ်။

ဘယ်လို ကုသရလဲ
ဖြစ်တဲ့ ရင်သားအလုံး အမျိုးအစားပေါ် မူတည်ပြီး ကွာခြားပါတယ် ။ တချို့ကတော့ ကုသမှှုမလိုပဲ ပျောက်ကင်းသွားတာမျိုး ရှိသလို တချို့ကလည်း သောက်ဆေးနဲ့ သက်သာသွားတာမျိုး ရှိပါတယ် ။ အပ်နဲ ့စုပ်ထုတ်ပြီး ကုသနိုင်သလို ခွဲစိတ်မှှုတွ လုပ်ရတာလည်း ရှိတတ်ပါတယ် ။ ဆရာဝန်ကြီးတွေနဲ့ လိုအပ်သလို တိုင်ပင်နိုင်ပါတယ်။

ဘယ်လို ကာကွယ်ရမလဲ
အသက် ၂၀ ပြည့်ပြီးတဲ့ အမျိုးသမီးတိုင်း တစ်နှစ်ကနေ သုံးနှစ်တစ်ခါ ရင်သားစစ်ဆေးတဲ့နည်းနဲ့ ရောဂါကြိုတင် ရှာပြီး စောစောစီးစီး ကုသနိုင်ပါတယ်။ အသက်ကြီးလာလို့ ရောဂါ ရင်သားဆိုင်ရာ ရောဂါလက္ခဏာတွေ မရှိတောင် ရင်သား ဓာတ်မှန် ပုံမှန် ရိုက်ကြည့် စစ်ဆေးပြီး ကြိုတင်ကာကွယ်သင့်ပါတယ်။

ဒေါက်တာအောင်ပြည့်ဖြိုးဦး
Reference – https://www.webmd.com/breast-cancer/benign-breast-lumps