ကပ်ရောဂါဖြစ်ရခြင်းအကြောင်းအရင်း

 

လူတို့အသက်တမ်း၅၀၀-တမ်းအောက်လောကတွင်အယုတ်တရားကြီး(၃)မျိုးဖြစ်ပေါ်လာ၏။၁။အဓမ္မရာဂ၂။ဝိသမလောဘ၃။မိစ္ဆာဓမ္မ.ဆိုပြီးသုံးမျိုးရှိတယ်။အဓမ္မရာဂဟူသည်.

ယောက်ျားမိန်းမတို့သည်မိမိတို့ဆိုင်ရာအာရုံများနှင့်မတင်းတိမ်နိုင်ကြဘဲအခြားတစ်ပါး၌စွန်းငြိကျူးလွန်သောရာဂတရားဖြစ်၏။(လယ်တီဆရာတော်)(တစ်နည်း)အမေအဒေါ်အမစသောရာဂမဖြစ်သင့်သူတို့၌တက်မက်သောရာဂတရားကိုအဓမ္မရာဂဟုခေါ်သည်။(အဋ္ဌကထာ)ခုခေတ်မှာအဖနဲ့သမီး၊အမိနဲ့သား၊အကိုနဲ့နှမ၊ဦးလေးနဲ့တူမ၊အရင်းမောင်နှမတွေပါမကျန်ရအောင်ဖတ်လိုက်ရကြားလိုက်ရတဲ့သတင်းတွေကဟုတ်မှဟုတ်ပါရဲ့လို့တောင်ထင်နေရတာ..ဒါတွေဟာ.တစ်ကယ်တော့အဓမ္မရာဂ…??မဖြစ်သင့်မဖြစ်ထိုက်ဖူးဆိုပေးမယ့်ဆုတ်ကပ်ရောက်လာတဲ့အချိန်မှာကပ်ဆိုက်ဖို့အတွက်မကောင်းကြံတော့ကပ်ဘေးကြီးဆိုက်ဖို့အတွက်အကြောင်းတရားတွေဖန်တီးပေးသလိုဖြစ်နေတာပေါ့။ဝိသမလောဘ.ဟူသည်

ပစ္စည်းဥစ္စာတို့၌သူ့ဖို့ကိုယ့်ဖို့မျှတခြင်းမရှိကြဘဲကိုယ့်ဖို့ကိုယ်သာလုယက်ဆွဲငင်ကြသောလောဘတရားဖြစ်၏။ရသမျှပစ္စည်းတွေကဘယ်တော့မှပြည့်တယ်၊တော်ပီတန်ပါပြီဆိုရှိမလာခဲ့ကြဘူး။ဖြည့်သာဖြည့်နေကြတာပြည့်သွားပြီဆိုတာတော့မရှိကြဘူး။ရလေလိုလေအို..တစ္ဆေဘဝဖြစ်နေကြတာတွေကများလှပလေ။မိစ္ဆာဓမ္မဟူသည်..

တိရစ္ဆာန်ကိုသတ်မှုသည်အပြစ်မရှိ၊အရက်သောက်ခြင်းသည်အပြစ်မရှိအစရှိသဖြင့်ယူဆမှုမျိုးဖြစ်၏။(လယ်တီဆရာတော်)အမှားကိုအမှန်ထင်၊အမှန်ပြင်သူကိုတော့အများကမုန်း၊ကိုယ့်ကိုယ်မထိရင်အမှားတွေကိုအမှန်လိုသုံးတဲ့ခေတ်။(တစ်နည်း)ယောက်ျားအချင်းချင်းတပ်မက်ခြင်း၊မိန်းမအချင်းချင်းတပ်မက်ခြင်းသည်မိစ္ဆာဓမ္မမည်၏။(အဋ္ဌကထာ)ထိုအခါနတ်ဗြဟ္မာတို့သည်လူတို့ကိုမကြည်ညိုတော့ပြီ။လူ့လောကကိုမစောင့်ရှောက်ကြတော့ပြီ။နတ်ဆိုးတို့ကိုထိန်းချုပ်ထားခြင်းမရှိတော့ဘဲလွှတ်ထားကြကုန်၏။နတ်ဆိုးသရဲသဘက်တို့သည်လူတို့နေရာသို့လာရောက်၍လူတို့အားကပ်ရောဂါအမျိုးမျိုးပေး၍အသွေးအဆီတို့ကိုစားသောက်ကြကုန်၏။လူတို့ကိုမရခဲ့သော်ကျွဲနွားမြင်းသိုးစသောသတ္တဝါတို့အားကပ်ရောဂါအမျိုးမျိုးပေး၍အသွေးအဆီတို့ကိုစားသောက်ကြကုန်၏။ထိုကပ်ဆိုက်ရာမြို့ရွာတို့၌လူကျွဲနွားတို့သည်ထောင်သောင်းများစွာသေဆုံးကြကုန်တော့၏။ဤသည်မှာကပ်ရောဂါဆိုက်ရခြင်းအကြောင်းဖြစ်၏။ခုလိုမျိုးကပ်ကြီးဆိုက်နေချိန်တောင်မှတစ်ချို့တွေက.ရတာလေးတွေကိုလောဘကြီးပြီးမဖြစ်သင့်တာတွေဖြစ်နေကြတယ်။တစ်ချို့က.လိုချင်မှုလောဘတွေမထိန်းနိူင်ကြတော့ဒေါသဖြစ်ကာသူတစ်ပါးအသက်ကိုသတ်မိကြတယ်။တစ်ချို့တွေကအတတ်ပညာရှိကြပြီးအသိပညာအလိမ္မာဉာဏ်ပညာတရားတွေကင်းမဲ့သွားကာမလုပ်သင့်မဖြစ်သင့်တာတွေမောဟဆိုတဲ့မသိမှုကြောင့်ထပ်ခါတစ်လဲလဲမှားနေကြတယ်။တစ်ကယ်တော့….ဒါတွေဟာလောဘဒေါသမောဟတရားဆိုးသုံးပါးကြောင့်ရောဂန္တရကပ်၊သတ္တန္တရကပ်၊ဒုဗ္ဘိက္ခန္တရကပ်တွေဆိုက်လာကြတာပါ။လူ့လောက၌လူ့အသက်တမ်း၅၀၀အထက်တွင်အယုတ်တရားကြီး၃~ခုမရှိသေးလျှင်နတ်သိကြားဗြဟ္မာတို့သည်လူတို့ကိုကြည်ညိုလေးစားကြကုန်၏။လူ့လောကကိုကြည့်ရှုစောင့်ရှောက်ကြကုန်၏။လူတို့ကိုထိပါးခြင်းမရှိရအောင်နတ်ဆိုးတို့ကိုထိန်းချုပ်ထားကြကုန်၏။ထိုအခါလူ့လောကတွင်မည့်သည့်ကပ်ရောဂါမျှမရှိ။ထို့ကြောင့်လူ့ပြည်လူ့လောကတွင်ကပ်ရောဂါများမပေါ်ပေါက်လိုလျှင်အယုတ်တရားကြီး၃~ခုကိုဂရုပြုကြကုန်ရာ၏။

ကျမ်းကိုး။

၁။အင်္ဂုတ္တိုရ်တိကနိပါတ်၊ပလောကသုတ်

၂။ပါထိကဝဂ္ဂအဋ္ဌကထာ၊၃၆၂။ရောဂန္တရဒီပနီကမ္ဘာသူကမ္ဘာသားများအားလုံးနှင့်မြန်မာပြည်ကြီးကပ်ရောဂါဆိုးကြီးမှကျော်လွှားနိုင်ကြပါစေ။သာယာချမ်းမြေ့ကြပါစေ.သစ္စာနီPSမြတ်ဗုဒ္ဓ၏အာဏာစက်သည်စကြ်ာဝဠာအနန္တ၌တည်၏။လူ့ပြည်လူ့ရွာ၌သာသနာကွယ်သော်လည်း၊နတ်ဗြဟ္မာတို့ထံ၌ကွယ်သည်ဟူ၍မရှိ၊ကမ္ဘာတို့အလီလီပျက်သော်လည်းသုဿဝါဒဗြဟ္မာဘုံကားမပျက်၊သာသနာသည်လည်းမကွယ်မဆိတ်ရှိ၏။ဤအရိယာဗြဟ္မာတို့၏ဘုန်းတန်ခိုးအရှိန်ကြောင့်သာသနာသည်၊နတ်တို့ထံဆက်၍ပြန့်နှံ့ပြန်၏။ထို့ကြောင့်နတ်ဘုံဗြ​ဟ္မာ့ဘုံတို့တွင်ဘုရားတရားသံဃာရတနာသုံးပါး၏အာဏာစက်ကားအဆက်ဆက်တည်တန့်၏။ထို့ကြောင့်သရဏဂုံစွဲမြဲသူသရဏဂုံသုံးပါးကိုမပြတ်ရွတ်ဖတ်ပူဇော်နေသူတို့အားမည်သည့်နတ်ယုတ်မာတို့ကမှနှောက်ယှက်ဖျက်ဆီးခွင့်မရှိ၊နှောက်ယှက်ဖျက်ဆီး၍မရပါချေ။ထို့ကြောင့်သရဏဂုံသုံးပါးကိုရွတ်ဖတ်ပွားများထုံမွှန်းထားပြီးဘေးဒုက္ခကပ်အပေါင်းမှကျော်လွှားနိုင်ကြပါစေသတည်း။

သာယာချမ်းမြေ့ကြပါစေ

သစ္စာနီ