စစ်အာဏာသိမ်းမှုအပေါ် ပြည်သူ့ရှေ့ဆောင်ပါတီ ဥက္ကဌ ဒေါက်တာ သက်သက်ခိုင် သဘောထား

 အရပ်သား အစိုးရ ခေါင်းဆောင်တွေကို ဖမ်းပြီး တပ်မတော်က နိုင်ငံ အာဏာ ရယူခဲ့တဲ့ ဖြစ်ရပ်ဟာ နှစ်ဘက်ကြား အလုပ်သဘော ဆက်ဆံရေး တရပ် မထူထောင်နိုင်ခဲ့တာကြောင့်လို့ ၂၀၂၀ ရွေးကောက်ပွဲမှာ ပါတီသစ် ထူထောင်ပြီး ရွေးကောက်ပွဲ ဝင်ခဲ့တဲ့ ဒေါက်တာ သက်သက်ခိုင်က သုံးသပ်ပါတယ်။ စစ်အာဏာသိမ်းမှု အပေါ် ပြည်သူ့ရှေ့ဆောင်ပါတီ ဥက္ကဌ ဒေါက်တာ သက်သက်ခိုင်ရဲ့ သဘောထား ဘယ်လို ရှိပါသလဲ။ မသိင်္ဂ ီထိုက် ဆက်သွယ် မေးမြန်းထားပါတယ်။

သိင်္ဂ ီထိုက်။ ။ အဲဒီတော့ တပ်မတော်က ၁ နှစ်အာဏာယူလိုက်တဲ့အပေါ်မှာ ဒေါက်တာ သက်သက်ခိုင်အနေနဲ့ သဘောတူတယ်၊ သဘောမတူဘူးဆိုပြီးတော့များ ပြတ်ပြတ်သားသား မှတ်ချက်မျိုး ပေးနိုင်ပါသလားရှင့်။

ဒေါက်တာ သက်သက်ခိုင်။ ။ ဘယ်သူမှတော့ တပ်မတော်ကနေ အာဏာသိမ်းတာကိုတော့ ဘယ်နိုင်ငံသားမှတော့ သဘောတူတာ မဟုတ်ဘူးပေါ့နော် ။ သို့သော်လည်း ဘာကြောင့်ဖြစ်ခဲ့ရတာလည်းဆိုတာတွေ ကျမတို့ ပြန်ပြီးတော့မှ သုံးသပ်ဖို့ လိုတာပေါ့နော်။ ကျမထင်တာတော့ တပ်မတော်လည်း ပြီးခဲ့တဲ့ ၅ နှစ်တုန်းက တပ်မတော်လည်း တော်တော်လေးကို ပြည်သူလူထုကနေ Facebook တွေမှာ အမုန်းစကားတွေတော်တော်လေးပြောခံရတဲ့ အခါကျတော့ တပ်မတော်ကလည်း အာဏာသိမ်းချင်မှာ မဟုတ်ဘူးလို့တောင် ကျမထင်ပါတယ်ရှင့်။ ဘယ်သူမဆို ပြည်သူလူထု ချစ်ခင်ရိုသေတဲ့ ၊ ချစ်ခင်ယုံကြည်တဲ့ တပ်မတော်ပဲ ဖြစ်ချင်မှာပဲလေ။ ဆိုတော့ အာဏာသိမ်းချင်မှာမဟုတ်ဘူး။ ဒါပေမယ့် ဒီနေ့ဒီအချိန်မှာတော့ အာဏာသိမ်းတဲ့အထိ ဖြစ်သွားတယ်ပေါ့နော်။ ဒါကတော့ မလိုလားအပ်တဲ့ အခြေအနေတခုကို ဆိုက်ရောက်သွားတယ်လို့ ကျမ သုံးသပ်ပါတယ်ရှင့်။

သိင်္ဂ ီထိုက်။ ။ ဟုတ်ကဲ့ ဒီလောက်အခြေအနေပေါ့နော် တပ်မတော်က အာဏာရယူတဲ့ အခြေအနေမျိုးအထိ ဘာကြောင့်ရောက်လာရတယ်လို့ ဒေါက်တာ သက်သက်ခိုင်ရှုမြင်ပါသလဲရှင့်။

ဒေါက်တာ သက်သက်ခိုင်။ ။ အဓိကတော့ ဒီလိုပေါ့ရှင့် ကျမတို့ မြန်မာနိုင်ငံက စစ်အာဏာရှင်အောက်မှာ နေခဲ့ရတယ်၊ ပြီးလို့ရှိရင် လူမှုစီးပွား ဖွံ့ဖြိုးတိုးတက်ခြင်းလည်း အကန့်အသတ်တွေနဲ့ရှိခဲ့ပြီးတော့မှ ဆင်းရဲမွဲတေမှုတွေလည်းရှိတော့ ပြည်သူလူထုတွေကနေပြီးတော့ ရဟန်းရှင်လူ ပြည်သူအပေါင်းကနေပြီးတော့မှ ဒီမိုကရေစီနဲ့ သွားချင်တယ်ဆိုတာ ၊ နောက် တိုင်းရင်းသားတွေကလည်း ဖယ်ဒရယ်နဲ့ သွားချင်တယ်ဆိုတာ ဒါက ပြည်သူလူထုရဲ့ ဆန္ဒဖြစ်တယ်ပေါ့နော်။

ဆိုလို့ရှိရင် ပြည်သူလူထုရဲ့ ဆန္ဒအတွက်ကို စစ်အာဏာရှင်ကနေပြီးတော့မှ တင်းပြည့် ကျပ်ပြည့် ဒီမိုကရေစီနဲ့ သွားဖို့အတွက်ကို ၂၀၀၈ ဖွဲ့စည်းပုံနဲ့ စပြီးတော့မှ တာထွက်တာပေါ့နော်။ တာထွက်တော့ ခုနက စစ်အာဏာရှင်စနစ်ကနေ တင်းပြည့် ကျပ်ပြည့် ဒီမိုကရေစီ အထိ သွားဖို့ဆိုရင် ကြားမှာ အသွင်ကူးပြောင်းတဲ့ကာလအတွက် ၂၀၀၈ ဖွဲ့စည်းပုံနဲ့ စပြီးတော့မှ တာထွက်တာပေါ့နော်။ ထွက်တဲ့အချိန်မှာ ဘာပဲပြောပြော ၂၀၀၈ ဖွဲ့စည်းပုံကတော့ ဒီမိုကရေစီ ၁၀၀ ရာခိုင်နှုန်းပေးထားတာ မဟုတ်သေးဘူး။ သို့သော်လည်း အနည်းဆုံးတော့ ပြည်ထောင်စုရွေးကောက်ပွဲ ကော်မရှင်တွေရှိပြီ၊ နိုင်ငံရေးပါတီတွေ မှတ်ပုံတင်လို့ရတယ်။ ရွေးကောက်ပွဲ တွေရှိလာတယ် ၊ ရွေးကောက်ခံကိုယ်စားလှယ်တွေ ရှိလာတယ်။ ပြည်သူရွေးချယ်တဲ့ ပြည်သူ့အစိုးရတွေ တက်လာတယ်ပေါ့နော်။ ဒါတွေဟာ ၂၀၀၈ ဖွဲ့စည်းပုံရဲ့ ပေးထားတဲ့အချက်ထဲကနေ ကောင်းတဲ့ အချက်တွေပေါ့ရှင့်။

တပြိုင်နက်ထဲမှာလည်း ၂၀၀၈ ဖွဲ့စည်းပုံ ပြင်ရန်တွေလည်း အများကြီး ရှိတာပေါ့နော်။ အဲလိုပြင်ဖို့အတွက်ကို အဓိက အချက်ကတော့ ဘာလဲဆိုရင် တပ်မတော်ကနေပြီးတော့ နိုင်ငံရေးထဲကနေ ထွက်ခွာဖို့အတွက် ပြည်သူလူထုက ဆန္ဒရှိတာပေါ့။ အဲဒီအခါကျတော့ တပ်မတော်ကလည်း ပြည်သူလူထုချစ်ခင် မြတ်နိုးတဲ့ ၊ ယုံကြည်တဲ့ တပ်မတော်ဖြစ်ချင်မှာပဲ။ ဆိုတော့ ကျမတို့က ဘာလုပ်သင့်သလဲဆိုရင် ဒီတပ်မတော်ကို ဂုဏ်သိက္ခာရှိရှိနဲ့ နိုင်ငံရေးထဲကနေ ထွက်သွားနိုင်အောင် ဝိုင်းပြီး ကူညီသင့်တယ်လို့ ကျမက ထင်တာပေါ့နော်။ ဒီနေ့ ဒီအချိန်မှာတော့ တပ်မတော်ကနေ ၁ နှစ် အာဏာ ယူလိုက်ရတဲ့အခြေအနေကတော့ အဓိက နောက်ခံအကြောင်းတရားကတော့ အာဃာတ တရားတွေ ရှိနေကြသေးတယ်လို့ ကျမကတော့ ထင်တယ်ပေါ့နော်။

သိင်္ဂ ီထိုက်။ ။ အဲဒီတော့ NLD အစိုးရဟာဆိုရင် လူထုထောက်ခံမှုက အပြည့်အ၀ ရတယ်ဆိုတဲ့ အနေအထားမှာ ရှိပါတယ်။ ဆိုတော့ လူထုထောက်ခံမှုရတဲ့ အနေအထားမှာ အရပ်ဘက် စစ်ဘက် ဆက်ဆံရေးဆိုတဲ့ဟာကို ပြီးခဲ့တဲ့ ၅ နှစ်တာ ကာလအတွင်း ဘယ်လောက်တည်ဆောက်နိုင်ခဲ့ပါသလဲ။

ဒေါက်တာ သက်သက်ခိုင်။ ။ ကျမမြင်တာကတော့ မတည်ဆောက်ခဲ့နိုင်ဘူးရှင့် ။ ၃ နေရာရှိတာပေါ့နော်။ နံပတ် ၁ က ဘာလဲဆိုရင် ငြိမ်းချမ်းရေးဆွေးနွေးပွဲတွေမှာ တကယ်တမ်းဆိုရင် ပြည်သူက ရွေးကောက်လိုက်တဲ့အစိုးရ၊ ပြည်သူ့အစိုးရလို့ ပြောရင်၊ တပ်မတော်သည်လည်း ငါတို့အစိုးရရဲ့ တပ်မတော်ဖြစ်တယ်။ အစိုးရရဲ့အစိတ်အပိုင်းတခုဖြစ်တယ်။ ပြီးလို့ရှိရင် တပ်နဲ့အစိုးရနဲ့က ညှိနှိုင်းပြီးရင် တပ်နဲ့အစိုးရနဲ့ပေါင်းပြီးတော့မှ တိုင်းရင်းသားလက်နက်ကိုင်တွေနဲ့ ညှိနှိုင်းရမှာပေါ့နော်။ ငြိမ်းချမ်းရေးဖြစ်စဉ်မှာလည်း တပ်နဲ့အစိုးရနဲ့က ပူးပေါင်းဆောင်ရွက်မှု နည်းတယ်လို့ ကျမကတော့ အပြင်ကနေ မြင်တယ်ပေါ့နော်။

ပြီးရင် လွှတ်တော်အတွင်းပေါ့ ၊ လွှတ်တော်အတွင်းမှာလည်း တပ်နဲ့ ရွေးကောက်ခံကိုယ်စားလှယ်တွေနဲ့ ကြားထဲမှာ ပွတ်တိုက်မှုတွေ ခဏခဏဖြစ်တာပေါေ့နာ်။ အဓိကတော့ အခြေခံဥပဒေပြင်ဆင်ရေး ကိစ္စတွေမှာဆိုရင် တော်တော်လေး မချောမွေ့ပဲနဲ့ ရလဒ်လည်း မထွက်ခဲ့ဘူးပေါေ့နာ်။ အဲဒါရှိတယ်။

နောက်တခုကတော့ အစိုးရထဲမှာပေါ့ရှင့်။ ဒီအစိုးရထဲမှာလည်း ကာလုံတွေဘာတွေခေါ်တာတို့ ဘာတို့ပေါ့နော် ။ NLD ဘက်က ကာလုံမခေါ်ဖို့ စိတ်ပိုင်းဖြတ်ထားတဲ့သဘောပေါ့နော်။ တကယ်တမ်း ကျမမြင်တာကတော့ အရပ်ဘက် စစ်ဘက် ဆက်ဆံရေးဆိုတာ ယန္တယားတခု ဖြစ်တယ်ပေါနော်။ နိုင်ငံတော်ကာကွယ်ရေးနဲ့ လုံခြုံရေးကောင်စီဆိုတာ ။ အဓိကတော့ အပြန်အလှန် အသိအမှတ်ပြုပြီးတော့ အပြန်အလှန် လေးစားမှုနဲ့ အလုပ်သဘောဆက်ဆံရေး မတည်ဆောက်ခဲ့နိုင်ဘူးပေါေ့နာ်။ ပြီးခဲ့တဲ့ ၅ နှစ်က။

သိင်္ဂ ီထိုက်။ ။အဲဒီတော့ ခုနက ဒေါက်တာ သက်သက်ခိုင် ပြောသလိုပဲ NLD က စစ်ဘက် အရပ်ဘက်ဆက်ဆံရေးကို ထိထိရောက်ရောက် မလုပ်နိုင်ခဲ့ဘူးဆိုပေမယ့် နိုင်ငံတကာ နယ်ပယ်မှာဆိုရင် ရခိုင်အရေးကိစ္စ ၊ နောက်တခါ ပြည်တွင်းစစ်တွေနဲ့ ပတ်သက်ပြီး ဒေါ်အောင်ဆန်းစုကြည်က စစ်တပ်အပေါ်မှာ မဝေဖန်ဘူးဆိုပြီးတော့ စစ်တပ်ဘက်က ရပ်တည်တယ်ဆိုတဲ့ သဘောမျိုး ဝေဖန်မှုတွေလည်း ရှိပါတယ်။ ဆိုတော့ လက်တွေ့အားဖြင့်လည်း ဒါက စစ်တပ်နဲ့က မပြေလည်နေဘူး ၊ နိုင်ငံတကာမျက်နှာစာမှာလည်း စစ်တပ်ဘက်က ပါနေတယ်ဆိုပြီးတော့ ဝေဖန်ခံနေရတယ်ဆိုတဲ့ အခြေအနေမျိုး ဖြစ်နေတော့ ဒီအခြေအနေမျိုးက အစစ်အမှန်ပေါ့နော် ဒေါက်တာ သက်သက်ခိုင်တို့ ဘယ်လိုများမြင်ပါသလဲ။

ဒေါက်တာ သက်သက်ခိုင်။ ။ အန်တီစုအနေနဲ့ ပြည်သူလူထုရဲ့အကြိုက်ကို ၊ ပြည်သူလူထုရဲ့ဆန္ဒအတိုင်း လုပ်ရတာလို့ ထင်တယ်လေ။ ဒါပေမယ့် နိုင်ငံတကာကတော့ ဘယ်လိုထင်သလဲဆိုရင် တပ်ကို ကာဆီးကာဆီး လုပ်ပေးတယ်လို့ ထင်ကောင်းထင်မှာပေါ့နော်။ တကယ်တမ်းကျတော့ တပ်နဲ့ အရပ်ဘက် စစ်ဘက် ဆက်ဆံရေးက တော်တော်းလေး ဒီ ၅ နှစ်မှာ ယိုယွင်းသွားတယ်ပေါ့နော်။ ယိုယွင်းတာ ခုန ကျမပြောတာ အစိုးရထဲမှာလည်း ၃ နေရာရှိသလို ၊ ပြည်သူထဲမှာလည်း Facebook တွေအပေါ်မှာ ကြည့်လိုက်ရင် စိတ်မကောင်းစရာက တပ်နဲ့ ပြည်သူနဲ့ စိတ်ဝမ်းကွဲနေတာပေါ့နော်။ ဆိုလို့ရှိရင် အနီ မဟုတ်တဲ့ သူတိုင်းကို အစိမ်းလို့ သတ်မှတ်တယ်။ အစိမ်း မဟုတ်သူတိုင်းက အနီဖြစ်တယ်။ အနီနဲ့အစိမ်း ပဲရှိတယ်ဆိုပြီးတော့မှ သိပ်ကိုမှ ပြည်သူလူထုကြားထဲမှာ အက်ကြောင်း အကြီးကြီးရှိနေတာပေါ့နော်။ ပြည်သူလူထု အချင်းချင်း ချစ်ခင်ရင်းနှီးမှုမရှိဘဲနဲ့ အပြန်အလှန် အမုန်းစကားတွေနဲ့ ၊ အပြန်အလှန် ထိုးနှက် တိုက်ခိုက်နေကြတာ ဒါတွေက တွေ့ရတယ်ပေါ့။

ပြည်သူ့ရှေ့ဆောင်ပါတီဥက္ကဌ ဒေါက်တာ သက်သက်ခိုင်ကို မေးမြန်းခဲ့တာပါ။ 

Ref : VOA