ကပ်ရောဂါထက် ပိုကြောက်ဖို့ကောင်းတဲ့အရာဆိုတာ

 

ကပ်​ရောဂါထက် ပို​ကြောက်ဖို့​ကောင်းတဲ့အရာဆိုတာ

အဘိုးသိမ်းထားခဲ့တဲ့စာအုပ်​တွေထဲမှာ ​မြေးက ဘာစာအုပ်ကို​ရွေးပြီးဖတ်​နေတာလဲ? ကမ္ဘာ့သမိုင်းစာအုပ်ပါ..အဖိုး သားသိချင်တဲ့အ​ကြောင်းအရာ​တွေထဲက တစ်ခုကို
ပြောရမယ်ဆိုရင် အဖိုးတို့ကြုံ​တွေ့ခဲ့ရတဲ့ Covid19ဆိုတာ ဘယ်​လောက်ထိ​ကြောက်ဖို့​ကောင်းလဲဆိုတာ သားတို့ကို ​ပြောပြပါဦး။ အင်းးးး Covid19ဆိုတာ ​ပြောရရင် ငြိုငြင်စရာကြီးပါ။ အဘိုးတို့ဘဝတစ်​လျှောက်လုံးမှာ ​ခေတ်မျိုးစုံကို
ဆယ်စုနှစ်တစ်​လျှောက်လုံး ဖြတ်သန်းခဲ့ပြီးပါပြီ။
​ရှေ့ဆက်လည်း အဘိုးတို့ သားသမီး​​​မြေးမြစ်​တွေ
​ခေတ်မျိုးစုံကို ကြုံလာရဦးမှာပါ။ အဘိုးတို့ လူငယ်ဘဝမှာ
​မြေးလို အမြင်​တွေ၊ ခံစားချက်ချင်းက မတူ​တော့ လူကြီး​တွေရဲ့
ဆန့်ကျင်မှု​တွေကို ခံစားခဲ့ရတာတဲ့ ခါးသီးမှု​တွေကို
ကိုယ့်သားသမီး​တွေကစပြီး ​​​မြေး​တွေရတဲ့အထိ အဘိုးက
ဘယ်​ပေးချင်ပါ့မလဲ​နော်။ ဒါ​ပေမယ့် ခေတ်ဆိုတာကလည်း
အမြဲ​ပြောင်းလဲ​​ နေတတ်ပါတယ်။
​
​ရာစုနှစ်တစ်​လျှောက် အ​​ခြေအ​နေချင်းမတူကြ​ပေမယ့်
ဒီ​ခေတ်မြေး​တွေ အဘိုးတို့ တချိန်ကကြုံသလို
​နောင်တစ်ချိန်မှာ ပြန်ကြုံလာကြဦးမယ်မဟုတ်လား?
အဘိုးတို့ငယ်ငယ်ကဆိုရင် Covid​ရောဂါ စ​တွေ့​တော့
ကြောက်စရာ​ကောင်းလိုက်တာဆိုပြီး တကမ္ဘာလုံးက
စိုးရိမ်ထိတ်လန့်​ခဲ့ကြတယ်​လေ။ ​အဲဒီ​ရောဂါ​တွေ ခံစားရပြီဆိုရင်
​ကြောက်ဖို့​ကောင်းသ​လောက် မခံစားရတဲ့သူ​တွေဆိုရင်
စိတ်ကျဉ်းကျပ်ခဲ့ရတာ ၁နှစ်ပြည့်တဲ့အထိပါပဲ။ အဲဒီ Covid-19ဆိုတာ
အခု​တော့ ​ကြောက်စရာမလို​တော့​ပေမဲ့ စဖြစ်ခဲ့တဲ့အချိန်တုန်းကဆို
​ဆေးကလည်းမ​ပေါ်​သေး ကူးတာကလည်း မြန်ဆို​တော့ လူ​တွေအရမ်းကို
​ကြောက်လန့်​နေခဲ့ရတာ......။ အဲဒီလိုကပ်​ရောဂါမျိုး​တွေက အဘိုးတို့
​ခေတ်ကျမှ စဖြစ်တာမဟုတ်ဘူး။ ရာစုနှစ်တိုင်းမှာ ၁ကြိမ်​လောက်​တော့
အဲဒီလိုကပ်​ရောဂါမျိုး​တွေ တကမ္ဘာလုံးဖြစ်ခဲ့ကြတယ်။ အဲဒီကပ်​ရောဂါ
အ​ကြောင်း​တွေ ​မြေးဖတ်တဲ့သမိုင်းစာအုပ်ထဲမှာပါတယ် မဟုတ်လား။
၁၇၂ဝမှာဆိုရင် ပလိပ်​ရောဂါ၊
၁၈၂ဝမှာဆိုရင် ကာလဝမ်း​ရောဂါ၊
၁၉၂ဝမှာကျ​တော့ တုပ်​ကွေး​ရောဂါ
ဆိုပြီး
ကမ္ဘာ့​ကပ်ရောဂါ​တွေက ရာစုနှစ်တိုင်းမှာ နှစ်ဆယ်စုနှစ်​​ရောက်တိုင်း
တစ်ကြိမ်​တော့ လူ​တွေ ကြုံ​တွေ့ခဲ့ရ​သေးတယ်။ ​မြေးတို့ လူကြီးဖြစ်လာတဲ့
တစ်​နေ့ကျရင် အဲဒီလိုကပ်​ရောဂါမျိုး မဖြစ်နိုင်ဘူးလို့ ​​ပြောလို့မရဘူး​လေ။
ဘာလို့လဲဆို​တော့ လူ​တွေရဲ့ ဝိ​ရောဓိ​တွေ၊ ပဋိပက္ခ​တွေကြားမှာ ပတ်ချာ
လည်ပြီး ရုန်းမထွက်နိုင်ကြလို့ပဲ။ ဘယ်သမိုင်းပဲကြည့်ကြည့် ရာစုနှစ်တိုင်းမှာ
ကပ်​ရောဂါကြီး​​တွေ အဆုံးသတ်ပြီးတဲ့နောက်ပိုင်း ရာစုနှစ်သံသရာ​တွေဆိုတာ
ဖြစ်လာခဲ့ကြတယ် မဟုတ်လား။ အဲဒီသံသရာ​တွေဆိုတာ ဆယ်စုနှစ်အလိုက်
​ဘယ်လို​တွေဖြစ်ကြလဲဆိုတာ မြေး​လေးကို အဖိုး​ပြောပြမယ်​လေ။
အတိတ်သမိုင်း​တွေကို ပြန်​လေ့လာကြည့်ရင် နှစ်တစ်ရာမှာတစ်ကြိမ်
ကပ်​ရောဂါ​တွေဖြစ်ပြီး တကမ္ဘာလုံး လူသန်းနဲ့ချီ​သေခဲ့ကြတဲ့ သမိုင်း​တွေက
​ဖြစ်ချိန်တန်လို့ ဖြစ်လာပြီး ပျက်ချိန်တန်လို့ ပျက်စီးမယ့် အချိန်ကာလ​တွေ
​ပေါ်လာတယ်ပဲ​ပြောရမလား၊ တိုက်ဆိုင်မှူ​တွေလား၊ ထူးဆန်းမှု​တွေလား
စသဖြင့်​ပေါ့။ အဲဒီကပ်​ရောဂါဆိုးကြီး​တွေ အဆုံးသတ်ပြီးတဲ့​နောက်ပိုင်းမှာ
ကမ္ဘာကြီးက ဘာ​တွေဖြစ်ကုန်ကြသလဲဆိုတာ စဉ်းစားဖူးတဲ့သူ​တွေ ရှိချင်မှ
ရှိမှာ​လေ။ တကယ်တမ်းကျ​​တော့ ရာစုနှစ်တိုင်းမှာ လူ့ယဉ်​ကျေးမှု​တွေ၊
တီထွင်ဖန်တီးမှု​တွေ၊ ​ခေတ်ကာလ​တွေက ​တိုးတက်ပြောင်းလဲလာကြတာပါ
ရာစုနှစ်သံသရာ​တွေကို လူတိုင်းမ​ရှောင်လွှဲနိုင်ကြပါဘူး။ အဘိုးတို့ ဘဝ
တစ်​လျှောက်လုံးမှာ ဒီလိုသံသရာ​တွေ ကြုံ​တွေ့ခဲ့ပြီးတာမို့လို့ ကမ္ဘာ့လူ့သမိုင်း
ဆိုတာ ဒါ​တွေပဲလားလို့ သ​ဘော​ပေါက်လာခဲ့တယ်။
ရာစုနှစ်စပိုင်း​တွေမှာ လူ​တွေ​အားလုံး ကိုယ်ပိုင်လွတ်လပ်မှု​နဲ့ ​ပျော်ရွှင်မှု​တွေ
တစ်ဦးချင်းဆီမှာ ပိုင်ဆိုင်​နေကြတဲ့အချိန်​​တွေ​ပေါ့။ အမုန်းတရား​တွေ၊
ဆုံးရှုံးမှု​တွေ ကင်း​ဝေး​နေကြတဲ့ အချိန်ကာလတစ်ခုဆိုလည်း မမှားပါဘူး။
ဆယ်စုနှစ်​တွေ​ရောက်တဲ့အခါမှာ လူ​တွေရဲ့စိတ်အမြင်​​တွေက ​ပြောင်းလဲလာကြတယ်။
ကိုယ်ပိုင်လွတ်လပ်မှု နဲ့ ​ပျော်ရွှင်မှု​တွေကို အသုံးချပြီး စိန်​ခေါ်မှု
​တွေဖန်တီးလာကြသလို လူ​ပေါ် လူ​ဇော်လုပ်လာတက်ကြတယ်။ အဲဒီ
အကျိုးဆက်​တွေ​ကြောင့် ​ကောင်းတာ​တွေ ကြုံတွေ့လာရသလို မ​ကောင်း
တာ​တွေလည်း သူတို့ရဲ့​နောက်ကွယ်မှာ ကပ်ပါလာကြတာမို့ ဝိ​ရောဓိ​တွေက​နေ
လူ​တွေရုန်းမထွက်နိုင်ကြ​တော့ဘဲ ငြိုငြင်စရာ​တွေ ဖြစ်ကုန်ကြတယ်။
နှစ်ဆယ်စုနှစ်​တွေရောက်တဲ့အခါမှာ​တော့ အဲဒီအချိန်​တွေက လူ​တွေရဲ့
အဆိုးဆုံးကာလတစ်ခုလို့ သတ်မှတ်နိုင်တယ်။ ကပ်၃ပါး​ကြောင့် ပျက်စီးခြင်း
၅ပါး​တွေနဲ့ ရင်ဆိုင်ကြရသလို ခက်ခဲတဲ့ ကာလကြီး​ကြောင့် လူ​​တွေရဲ့
အသိတရား​တွေက ​ပြောင်းလဲလာကြတယ်။ အဲဒီ​ပြောင်းလဲမှုဆိုတာ
ကမ္ဘာကြီးအတွက်ပျက်စီး​ပေးရမယ့် ရင်ဆိုင်မှုကြီး​တွေ​ပေါ့။
သုံးဆယ်စုနှစ်​တွေ ​ရောက်တဲ့အခါကျရင် လူလူချင်း ချစ်ခင်မှု​တွေနည်း
လာကြသလို အမုန်းတရား​တွေ များလာကြတယ်။ လူလူချင်း မသင့်မြတ်မှုတ
ဖြစ်လာကြသလို လူတန်းစားအလွှာ​တွေရဲ့ ကွဲပြားမှုဒဏ်​တွေ ခံကြရ​တော့တယ်။
ရိုးရှင်း​အောင် ​ပြောရမယ်ဆိုရင် အတ္တ​တွေ၊ အမျိုးသား​ရေးဝါဒ​တွေ
ကြီးစိုး​နေကြတဲ့ အချိန်​​တွေ​ပေါ့ဗျာ။
​လေးဆယ်စုနှစ်​တွေ ​ရောက်ပြီဆိုရင် ပျက်စီးမှု​တွေ၊ ဆုံးရှုံးမှု​တွေကို
ကြုံ​တွေ့လာနိုင်တဲ့ ကာလကြီးလို့ ​ပြောရမှာလားပဲ။ အဲဒီအချိန်​​တွေဆို
လူ​တွေရဲ့ ဖျက်ဆီးမှု၊ ခြိမ်း​ခြောက်မှု၊ တိုက်ခိုက်လာကြမှု​တွေ ဖြစ်ပြီး
​နောက်ဆုံးအဲဒီ အကျိုးဆက်​တွေ​ကြောင့် လူ​တွေမှာ အသိတရား​တွေ
​ပြောင်းလဲလာကြပြီး လူ​တွေရဲ့ဘဝတန်ဖိုးကို တဖြည်းဖြည်းနားလည်
လာကြ​တော့တယ်။
​ငါးဆယ်စုနှစ်​တွေ​ရောက်တဲ့အခါမှာ လူ​တွေရဲ့ အမုန်းတရား​တွေ၊
ကပ်​ဘေး​တွေဆိုတာ အဲဒီအချိန်ကာလ​တွေမှာ အဆုံးသတ်သွားပြီ​လေ။
​ခေတ်ကာလနှင့်အညီ လူ​တွေ ​နေနိုင်လာကြသလို ကိုယ်ကျင့်တရား​တွေနဲ့
ဘဝကိုအဓိပ္ပါယ်ရှိရှိဖြတ်သန်းလာကြ​တော့တယ်။
​ခြောက်ဆယ်စုနှစ်​တွေ ​ရောက်တဲ့အခါကျရင် လူတွေဟာ ကိုယ်ပိုင်
လွတ်လပ်မှု နဲ့ ​ပျော်ရွှင်မှု​တွေကို အာရုံစိုက်လာကြ​တော့တယ်။
ဆယ်စုနှစ်တစ်​လျှောက်လုံးမှာ လူ့အခွင့်အ​ရေးလှုပ်ရှားမှု​တွေ
ပြင်းထန်လာကြ​ပြီး လူ့ဘဝတိုးတက်လာမှု​တွေကို ဖန်တီးလာကြတယ်။
ခုနှစ်ဆယ်စုနှစ်​တွေ​ရောက်တဲ့အခါမှာ လူ​တွေရဲ့ ဘဝက တဖြည်းဖြည်း
လွတ်လပ်လာကြပြီး ကိုယ်ပိုင် ဆန်းသစ်မှု​တွေ၊ အမြင်ကျယ်လာကြမှု​တွေနဲ့
ကိုယ့်ဘဝကို လွတ်လွတ်လပ်လပ်ဖန်တီးလာနိုင်ကြ​တော့တယ်။ အဲဒီအချိန်
​တွေဆိုရင် လူလူချင်း အမုန်းပွားမှု​တွေနည်းလာကြသလို ချစ်ခင်မှု​တွေ
များလာ​ကြပြီ​လေ။
ရှစ်ဆယ်စုနှစ်​တွေ​ရောက်တဲ့အခါမှာ​တော့ လူ​တွေရဲ့ကိုယ်ပိုင်လွတ်လပ်မှု​တွေ၊
​ပျော်ရွှင်မှု​တွေနှင့်အတူ အရဲစွန့်စားနိုင်ကြတဲ့စိတ်​တွေဟာ လူတစ်ဦးချင်းဆီမှာ
တဖြည်းဖြည်းပိုင်ဆိုင်လာကြ​ပြီး စိတ်လှုပ်ရှားစရာ​တွေ၊ အသစ်အဆန်း​တွေနဲ့
ကြုံ​တွေ့ရ​လေ့ရှိတာ​​ပေါ့။ အဲဒီအချိန်ကစလို့ လူ​တွေရဲ့ဘဝ​တွေ​​က သာသာ
ယာယာနဲ့ အ​ကောင်းဆုံးအချိန်ကာလတစ်ခုအ​နေနဲ့ ရပ်တည်​လာကြပြီမဟုတ်လား။
ကိုးဆယ်စုနှစ်​တွေမှာ ရာစုနှစ်အစပိုင်းလိုပြန်ဖြစ်လာကြပြီး ရာစုနှစ်​တွေက
အရင်လို တဖန်ပြန်လည်ကြလို့ သံသရာ​တွေဆိုတာ ဘယ်လိုမှ အဆုံးမသတ်
နိုင်​သေးဘူးမဟုတ်လား​နော်။
အဲဒီ​တော့ ​​မြေးလိုရာစုနှစ်​​နှောင်းပိုင်းမှာ ​မွေးတဲ့သူ​တွေက လူ့ဘဝကြီးက
ဘယ်​လောက်ခက်ခဲလဲဆိုတာ ဘယ်လိုလုပ်နားလည်ဦးမှာလဲ​နော်။ အဖိုးတို့
​ဘဝတစ်​လျှောက်လုံးမှာ ကပ်​ဘေး​တွေ၊ စစ်ပွဲ​တွေ၊ အမုန်းတရား​တွေ၊
ပျက်စီးဆုံးရှုံးမှု​တွေကို အများကြီးကြုံ​တွေ့ခဲ့ရတာပါ။ ဒီအ​ကြောင်း​တွေကို ​
အခုချိန်မှာ မြေး​တွေနားလည်ဦးမှာ မဟုတ်​ပေမယ့် ​မြေးတို့ကြီးလာတဲ့
တစ်​နေ့ကျရင် အဘိုးပြောခဲ့သမျှ​တွေကို နားလည်သ​ဘော​ပေါက်ပါလိမ့်မယ်။
​နောက်ပြီးရာစုနှစ်​တွေဆိုတာ ဆယ်စုနှစ်တစ်​လျှောက်လုံး သာသာယာယာ
ရှိမ​နေတတ်ပါဘူး။ တစ်ခါတစ်​လေမှာ ကိုယ့်ဘက်က အမြင်မ​ပြောင်းသွား
​ပေမယ့် တခြားသူဘက်က အမြင်​ပြောင်းသွားရင်​တော့ ဘဝမှာ အံ့သြစရာ
​တွေကို မကြုံချင်​ပေမယ့်လည်း ကြုံတက်ရတာမို့လို့ ရာစုနှစ်သံသရာ​တွေ
ဆိုတာ ဘယ်လိုမှ​ရှောင်လွှဲမရတာ အမှန်ပါပဲ။ အဲဒီလိုကြုံ​တွေ့​နေရတဲ့ အချိန်
မျိုးမှာ ကိုယ်ကအသက်ရှင်​နေနိုင်ရုံတင်​ကျေနပ်ဖို့​ကောင်း​နေပြီ။ ​လောကမှာ
လူ​တွေက ဘာ​တွေဖြစ်ဖြစ်၊ ဘာ​တွေပဲ ပိုင်ဆိုင်​နေပါ​စေ တကယ်​တော့
ဒါ​တွေက တစ်ခဏတာ​တွေပါပဲ။

 Credit