မြန်မာစာနှင့် လူမှုပတ်ဝန်းကျင်

 မြန်မာစာနှင့် လူမှုပတ်ဝန်းကျင်

မြန်မာစာ နဲ့ မြန်မာ့ လူမှုပတ်ဝန်းကျင် ရဲ့ ဆက်နွယ်မှုကတော့ အထင်အရှားပါပဲ။ 

         ခေတ်ကြီးက ဘယ်လောက်ပဲ တိုးတက်ပြောင်းလဲ နေပါစေ၊ ကမ္ဘာကျော် ဘာသာစကားတွေ စာပေတွေကို ကျွန်တော်တို့ ဘယ်လောက်ပဲ လေ့လာနေပါစေ အချိန်တော်တော် များများမှာ အသုံးပြုနေရတာက မြန်မာစာ ပဲ ဖြစ်ပါတယ်။ 

              အိ်မ်ထဲကနေ အိမ်ပြင်ကိုထွက်လိုက်ပြီ ဆိုရင်ပဲ လမ်းမတွေပေါ် မြင်ရမှာက မြန်မာစာ၊ ရေးထားတဲ့ ကြော်ငြာ ဆိုင်းဘုတ်တွေ နေ့စဉ် ဖတ်မှတ် လေ့လာနေတဲ့ သတင်းစာစောင်တွေမှာ တွေ့ရမှာ မြန်မာစာ၊ ဒါ့အပြင် နိစ္စဒူဝ ပြောဆိုနေကြတဲ့ စကားလုံးတွေကလည်း မြန်မာဘာသာစကား ကိုပဲ ပြောဆိုနေကြရပါတယ်။

            မြန်မာစာမှာ ကျွန်တော်တို့ အမှုမဲ့ အမှတ်မဲ့ဖြစ်ပြီး မှားတတ်တဲ့ သဒ္ဒွါ၊ စာလုံးပေါင်းသတ်ပုံ တွေနဲ့ စကားလုံးအဖြတ် အတောက် အမှားအယွင်းလေးတွေက တစ်ခါတစ်လေမှာ ကြီးမားတဲ့ အကျိုးသက်ရောက်မှု တွေ ရှိနိုင်တယ်။ 

            တော်တော်များများ ကြားဖူးနေကြဖြစ်မဲ့ “မသာရထား ငှားရန် ရှိသည်” ဆိုတာ ကို “မသာရ ထား ငှားရန် ရှိသည်” ဆိုပြီး မှားဖတ်မိခဲ့ ကြသလိုပေါ့ “ဆရာမပြ နည်းမကျ’’ ဆိုတာကို “ဆရာမ ပြနည်းမကျ’’ ဆိုပြီး စကားအဖြတ်အတောက် တွေ မှားယွင်းတဲ့အခါ ဆိုလိုရင်း အဓိပ္ပာယ်ကနေ ဆန့်ကျင်ဖက် ကွဲလွဲ သွားတတ်ပါတယ်။ 

          ဒီလို အမှားမျိုးတွေမဖြစ်လာအောင် မြန်မာစာကို အခြေခံခိုင်ခိုင် လေ့လာနိုင်ဖို့ လိုအပ်ပါတယ်။ ဒါကြောင့် မြန်မာစာ ဟာ မြန်မာနိုင်ငံ မှာ ရှင်သန်နေထိုင် ကြတဲ့ မြန်မာ့လူ့အဖွဲ့ အစည်း အတွက် အရေးပါဆုံး အခန်းကဏ္ဍမှာ ပါဝင်နေလျက် ရှိနေပါတယ်။